Mdledle o bega ka Chiefs: Ga go baetapele

Mošomi wa mehleng wa Orlando Pirates, Innocent Mdledle, o beile le polelo a lebantše sehlopha sa Kaizer Chiefs.

O gateletše taba ya gore Chiefs e timetše ebile a e tsebe dipapadi tša bohlokwa tša maemo a godimo.

O re ga go sa na boleng, ga go sa na boetapele, gomme baetapele ba bjale ba hloka maatla le bokgoni bja go maatlafatša sehlopha.

“Le bone Sundowns le Pirates ba šoma ka bohlale, ba reka dibapadi tša boleng bjalo ka Sipho Mbule, Oswin Appollis, le Tshepang Moremi” arealo.

Mdledle o okeditše gore mathata a go se be le dibapadi tša maemo a godimo a dirile gore sehlopha se phuhlame.

“O ka se age ntlo o šomiša bana, ntlo yeo e tla wa pele ga e fetša go bewa marulelo,” Mdledle a lemoša”.

Ka mantšu a gagwe, Mdledle o bontšha maikutlo a mantši a bafsa le balateli ba Amakhosi bao ba nyamišitšego ke sehlopha.

Balateli ba bangwe ba bile ba dumelana le Mdledle, ba re sehlopha se hloka baetapele ba nnete.