Andy Boyeli o tsenela sehlopha sa nageng ya Tanzania 

Sekhukhune United e tiišitše gore sebapadi sa yona sa pele, Andy Boyeli, o adimedišwa sehlopha sa Young Africans SC (Yanga).

Ka Labone 31 July 2025, sehlopha sa Yanga se phatlaladitše semmušo taba ya go saenwa ga Andy Boyeli.

“Re go amogela ka borutho mo lapeng la bafenyi, Andy Boyeli,” sare yalo sehlopha sa Yanga go dikgokaganyo tša leago.

Boyeli wa mengwaga ye 24, o tsene go Sekhukhune FC ka June 2024 go tšwa sehlopheng sa Power Dynamos FC sa Zambia.

Sehlopha se tiišitše tumellano ya kadimo ya sebapadi sa Congo, Andy Boyeli, go Yanga- bafenyi ba Tanzania Premier League.

Sehlopha sa Yanga, se balwa ka gare ga bafenyi ba NBC Premier League ya 2024/25 gomme ba thopile sefoka ka go fenya dihlopha tše dingwe.

Ka Pherekgong, Boyeli o be a thopile sefoka sa Sebapadi sa Kgwedi sa Betway Premiership ka morago ga go dira gabotse.

Ngwaga wo o fetilego, Boyeli o dirile dipapadi tše 27 bakeng sa Sekhukhune mo dihlopheng tšohle, gomme a dira dikoulu tše 9.

Sekhukhune FC e phatlaladitše karoganyo ya semmušo le Relebogile Mokhuoane le Njabulo Ngcobo.

Nako e jele ke magotlo, gomme Boyeli o tla lebeletšwa go kgatha tema ye bohlokwa go Yanga SC.