Vilakazi ofa Dansin keletšo ka kgatelelo ya balatedi

Moraloki was pele wa Orlando Pirates “Benedict Vilakazi” o file sebapadi se seswa sa gare sa Pirates “Cemran Dansin” keletšo ya bohlokwa.

Keletšo ye e kaga go swara le go lebelelana le kgatelelo ya balatedi, le tsela ya go itshwara ge dilo di sa sepela gabotse.

Dansin o ile a thuntšha mo nakong ya papadi ya Betway Premiership yeo e fedilego ka 1-1 le Mamelodi Sundowns ka Mokibelo.

Batho ba bantši ba be ba belaela gore a o swanetše go bapala, eupša o ile a kgona go lekanya papadi ka morago ga gore Sundowns e kore pele.

Vilakazi o rile le ge Dansin a dirile gabotse ka go tsenya kgwele, tshepetšo ya gagwe papading ka moka e be e sa kgahle.

“Go ngwana yoo wa Dansin, ke re o dirile gabotse ka go tsentšha kgwele ebile ga go motho a ka ganang seo,” a realo Vilakazi.

A bolela gape le gore: “Eupša nakong ya papadi o be a sa bonale gabotse, ntle le Yona kgwele yeo.”

Vilakazi o boletše gore leano la mokoetlisi Abdeslam Ouaddou le thusitse gore Dansin a se senyege nakong ya papadi.