Ashley Du Preez o tseleng ya go bušetša boitshepo

Sebapadi sa Kaizer Chiefs “Ashley Du Preez” o begwa a le mo lenaneong la go hlaphoša boitshepo morago ga go welwa ke maikutlo.

Du Preez o berekiša nako ye ya international break go šoma godimo ga go bušetša maatla le boitshepo bja gagwe.

O kopane le mathata mošomong le ka ntle ga lepatlelo, morago ga gore a hlaelwe ke monyetla wa go fenya AS Simba.

Mo papading yeo, Du Preez o ile a foša sebaka se se bego se ka be se filwe Amakhosi tlholo.

Go šireletša sebapadi seo, baetapele ba sehlopha, Cedric Kaze le Khalil Ben Youssef, ba ile ba mo fa phomolo go tlo mo šireletša.

Nakong ya go se be gona ga gagwe, ditiro tša pele di abetšwe Etiosa Ighodaro, Flavio Silva le Khanyisa Mayo.

Le ge Du Preez a sa tsene mathateng sehleng se, of bapetše dipapadi tše šupago ntle le go gola.

O šetše a tsentše letsogo go dipakane tše 28 (a gola goba a thuša) mo dipapading tše 91, seo se šupago boikemišetšo.

Chiefs e holofela gore sebapadi se se tla boela se le matla, se le ka boitshepo le monagano o mobotse ge sehlopha se boela papading