Mokoena o bolela Ka bothata bja gagwe le Bafana

Teboho Mokoena wa Bafana Bafana o boletše ka bohloko bjo a fetilego go bjona ka lebaka la seemo sa go emišwa seo se ilego sa tšhoša naga ya Afrika Borwa.

Fifa e ile ya tima Bafana dintlha tše tharo ka lebaka la gore Mokoena o be a bapetše kgahlanong le Lesotho a sa swanelwa.

Bafana ba ile ba lwa ba boela godimo, ba lekane le Zimbabwe, gomme ba fenya Rwanda ka papadi ye bohlokwa.

Ka morago ga moo ba ile ba fenya gape Rwanda 3–0 kua Mbombela, gomme seo sa ba thuša go tšea maemo a pele sehlopheng.

Le phenyo ya Nigeria kgahlanong le Benin e ile ya thuša Bafana go tsena ka mokgwa wa semmušo.

Ge a bolela le Radio 2000, Mokoena o boletše gore go be go le bohloko kudu go yena le lapa la gagwe.

“Ke be ke sa tsebe ka dikarete tše pedi, le ge ke be ke leka go šoma ka thata dithutong” arealo Mokoena.

Mokoena o re ge Bafana ba tsena ka semmušo, o ile a kwa boikhutšo bjo bogolo go feta thabo.

O ile a keteka papadi ya gagwe ya bo-50 le Bafana ge Afrika Borwa e fenya Zambia 3–1.