Baraloki ba Downs ba saena tumelelano le PUMA

Dinaledi tša Mamelodi Sundowns, Iqraam Rayners le Bathusi Aubaas, ba dirile tumelelano ye kgolo ya go thekgwa ke khamphani ya PUMA.

Rayners le Aubaas ba bontšha bokgoni bjo bogolo mengwageng ya morago mo Sundowns, ebile ba ile ba thuša gape le sehlopha sa naga sa Bafana Bafana.

Ka maiteko a gagwe, Aubaas o kgethilwe go tsena sehlopheng sa mafelelo sa Bafana se se yago Afcon

Mola ele gore moraloki Rayners of beilwe ka go emela ge go ka hlokega ke mokoetlisi Hugo Broos.

Rayners, yo a tsebjwago ka go hlaba dikoulu o feditše mengwaga ye mebedi ya PSL a le moemedi wa bobedi wa sehlopha.

Mengwaga ye mebedi ye e fetilego o dirile dikoulu tše 15, mola Lucas Ribeiro o thopile sefoka ka tše 16.

“Go saena ga dinaledi tše pedi tša Sundowns ke pontšho ya maikemišetšo a rena”, a realo Tshepo Mashishi wa PUMA SA.

Aubaas, ke sebapadi sa bogareng sa go šireletša, o thabetše go tsena leetong le le leswa le PUMA.

Rayners yena o bapala ka PUMA ULTRA 6, gomme o šetše a thubetše dikoulu tše tshela mo go Betway Premiership.