Bryan Mbeumo o saenela sehlopha sa Manchester United

Sehlopha se segolo sa kgwele ya maoto sa England, Manchester United, se saenile sebapadi sa Cameroon, Bryan Mbeumo.

Ditumellano di bontšha gore Mbeumo o saenwe ka £65 million, gomme go ka tsenywa le £6 million ge maemo aka kgotsofatšwa.

Mbeumo o na le mengwaga ye 25 gomme o saenile konteraka ya go fihla ka ngwaga wa 2030.

Yena o bontšhitše lethabo la gagwe ka go ikopanya le sehlopha seo a se hlomphiwa kudu.

“Go tloga mathomong ke be ke nyaka go tla mo gape se ke sehlopha se segolo,” arealo Mbeumo.

Manchester United e be e na le sehla seo se sa kgotsofatšeng ngwaga go feta.

Efela mohlahli yo mofsa, Ruben Amorim o šetše a dirile diphetoho tše mmalwa sehlopheng.

Manchester United e tla thoma leeto la yona la pre-season kua United States ka Labobedi, moo Mbeumo a tlago thoma gona.

Papadi ya mathomo ya Premier League e tla ba mo lebaleng la bona la ka gae kgahlanong le Arsenal ka di-17 Phato.

Go saenwa ga Bryan Mbeumo ke kgato ye bohlokwa yeo e bontšhago maikemišetšo a Manchester United a go bušetša sehlopha maemong a godimo.