Mofokeng o thabile ge Orlando Pirates e fihlile nageng ya Spain

Moraloki wa sehlopha sa Pirates Relebohile Mofokeng, o bontšhitše lethabo le boikemišetšo ge sehlopha sa gagwe se fihla Marbella, Spain.

Sehlopha sa Pirates se tlo fetša matšatši a 12 ba itokišetša ngwaga wo bohlokwa wa dipapadi wa 2025/26.

Pirates e tlo šoma ka thata mo kampeng ye, ka tlase ga taolo ya mohlahli wa bona yo moswa, Abdeslam Ouaddou.

Sehlopha se setlo raloka le dihlopha tša go fapana-fapana, ka matšatši a go fapana ka ge ba swanetše go fela ba khutšiša mmele.

Batlo raloka le sehlopha sa mathomo kadi 11 tša July elego Bolton Wanderers, gwa latela sehlopha sa Pafos FC kadi 13 tša July.

Kadi 17 tša July batlo raloka le sehlopha sa Las Palmas, gwa latela sehlopha sa Granada sa gotšwa nageng ya Spain.

Pirates e okeditše maatla ka go tliša Sipho Mbule, Oswin Appollis, Tshepang Moremi, Yanela Mbuthuma, Sihle Nduli, Tshepo Mashiloane, Nkosikhona Ndaba, le Sinoxolo Kwayiba.

Balatedi ba lebeletše go bona diphetho tše dibotse ge Pirates e itokišetša go thoma sehla se sefsa ka maatla.