Yusuf Maart o tlogetše Kaizer Chiefs, a ya go bapalela Austria

Mokaptene wa pele wa Kaizer Chiefs, Yusuf Maart, o saenile konteraka le sehlopha sa SV Ried kua nageng ya Austria.

Maart wa mengwaga ye 29 o saenile konteraka ya mengwaga ye mebedi, gomme go na le kgetho ya gore a e oketše go fihla ka 2027.

Yena o sale mo Afrika Borwa kage a sa letetše ditokomane tša gagwe tša tshwanelo tša visa gore a kgone goya nageng yaka ntle.

SV Ried ke sehlopha se se sa tšwago go namela go ya go bapala Austrian Bundesliga, e lego sehlopha sa maemo a godimo ka Austria.

O šoma le mohlahli wa sephiri mo Johannesburg go dula a le maemong a maleba.

Maart o tlo kopana le Antonio van Wyk, sebapadi se sengwe sa Afrika Borwa se se thusitšego sehlopha go namela.

Ba tlo thoma le Austrian Cup ka 25 July pele ba kopana le RB Salzburg papading ya bona ya mathomo ya Austrian Bundesliga kadi 2 August.

Leeto la Yusuf Maart la go ya Austria le fa sebapadi seo se nago le bokgoni sebaka se sefsa sa go golela godimo.