Esquivel o lebane le ntwa ya Go hwetša sebaka go Sundowns

Matías Esquivel o e hwetšaka gare ga bothata ka ge a leka go tiiša sebaka sehlopheng sa Mamelodi Sundowns.

Go kwagala gore lebaka la tlala ya talente le palo ya badiraditšhaba sehlopheng.

Sebapadi se sa bogareng sa lebala se boetše go Masandawana ka morago ga go lokollwa ke sehlopha sa Greek Super League, AE Kifisia FC.

Sebapadi se ile sa palelwa ke go hwetša nako ya go bapala ka mehla kua nageng ya Greece.

Esquivel o saennwe ke Sundowns ka Pherekgong 2024 a e tšwa CA Lanús ka tefo ye e begwago ya R47 million.

Efela ga se a ka a tiiša maemo a gagwe, ele ga go ya Kifisia, o kile a alimiwa gape go CA Talleres kua Argentina.

Le ge e le sebapadi se se nago le talente, Esquivel bjale o lebane le ntwa ye boima ya go tsena sehlopheng sa Betway Premiership.

Sebakwa ke taba ya melao ya Premier Soccer League ye e dumelelago go ngwadišwa ga badiraditšhaba ba bahlano (5) fela.

Sundowns bjale e nale Arthur Sales, Marcelo Allende, Nuno Santos, Miguel Reisinho le Brayan León.

Ke bona badiraditšhaba bao ba ngwadišitšwego, se se dirago gore go be boima go tsenya Esquivel sehleng se.