Basadien: “Ke swanetše go lwela lefelo la ka”

Mošireletši wa Mamelodi Sundowns “Fawaaz Basadien” o butše pelo ka mathata ao a kopanego le wona.

Ge a thoma bophelo bja gagwe kua Chloorkop ka morago ga go tšwa Stellenbosch FC mathomong a sehla.

Basadien o fihlile Sundowns ka kgwedi ya Phuhpu ka ditebelelo tše kgolo, ka morago ga dipontšho tše botse kudu go Stellenbosch FC.

Moo a bego a šetše a bonwa bjalo ka mošomiši wa ka mehla wa lefelo la left back sehlopheng sa Bafana Bafana.

Mosireletši paletšwe ke go hwetša nako ye ntši ya go bapala, gomme o tlogetšwe ka ntle ga sehlopha sa Afrika Borwa se se yago AFCON.

Go tloga ge a fihla Sundowns, Basadien o bapetše dipapadi tše mmalwa fela ka lebaka la tlhorišano e kgolo ka gare ga sehlopha.

“Go ikwa le go hwetša lefelo sehlopheng sa maemo a godimo bjalo ka Sundowns go tšea nako,” go boletše Basadien.

O okeditše ka gore go rwala bhetšhe ya Sundowns go tlišana le maikarabelo a magolo.

Sundowns e boetše e thomile dipapadi tša semmušo ka la 20 Pherekgong ge ba bapala le Orbit College kua Loftus Versfeld.