Mohlahli Ouaddou o re o tla tšwela pele go šoma le baraloki ba bafsa 

Mohlahli wa Orlando Pirates, Abdeslam Ouaddou, o bontšhitše thabo ye kgolo ka nako ya dipapadi tša borai (PSL).

Ouaddou o šetše a efa baraloki ba bafsa ba swana le Relebohile Mofokeng, Mohau Nkota le Mbekezeli Mbokazi menyetla ye megolo.

O nagana gore ba swanetše ke se, ka ge ba šetše ba bontšhitše bokgoni bja bona mo papading.

“Ke nyaka go leboga ditlhopha tša PSL le SAFA ka go tsenya maiteko a go godiša babapadi ba bafsa mo Afrika Borwa” arealo Ouaddou.

Ouaddou o nale bokgoni bja go tlala sebaka ka ge a nale nako e ntšhi ele mohlahli, o thomile mošomo wa go ruta papadi ka 2014 kua France.

O re ga a tšhoge go šomiša baraloki ba bafsa, gomme ge ba ikemišeditše le go bontšha bokgoni, ba tla fiwa menyetla.

Ouaddou o dumela gore go šomišana le baraloki ba mengwaga yaka tlase go bohlokwa kudu mo dipapading tše di golo tša CAF Champions League.

Pirates e tlo raloka le sehlopha sa Granada CF bošego bjo ka 7pm, 19 July papading ya boitapi kua nageng ya Spain.