Orlando Pirates e fentše sehlopha sa Granada kua nageng ya Spain

Orlando Pirates e thomile sehla se seswa ka tsela e kgahlišago ka go fenya Granada ka 2-0 papading ya borai.

Dikoulu di tswile go Patrick Maswanganyi le Relebohile Mofokeng bao ba bontšhitšego maitemogelo le bokgoni, ba tloga babapadi ba go tseba taba tša bona.

Phenyo ye e fa mohlahli wa bona Ouaddou tshepo ya gore sehlopha se šetše se itokišitše gabotse go tša papadi.

Ka motsotso wa bo-17, Boitumelo Radiopane le Sinoxolo Kwayiba ba šomile mmogo go thoma tsela ya go hlasela.

Efela koulu ya mafelelo sa Simphiwe Selepe e ile sa thibelwa ke mohlokomedi wa Granada, a palelwa ke go kora.

Ka karolo ya bobedi ya papadi, sehlopha sa Pirates se ile sa tšwetša pele go bontšha boikemišetšo mo eleng gore ba fenya ka di koulu tše pedi.

Go thomile Patrick Maswanganyi go kora koulu, ke moka gwa latela Relebohile Mofokeng ka sehlopheng sa Pirates.

Sehlopha se se tloga se nale phetogo e kgolo kudu kage sele ka tlase ga mohlahli wa bona Ouaddou.

“Ke thabile kudu kadi poelo tša papadi, ebile se se bontšha gore sehlopha saka se nale maitemogelo” arealo Ouaddou a botša Thomas Mlambo.

Ka la 2 Phato 2025, Orlando Pirates ba tla bula leeto la bona la go šireletša sefoka sa MTN8.

Sehlopha sa Orlando Pirates se tloba se raloka kgahlanong le Polokwane City papading ya go latela.