Quinton Fortune o lemoša Hugo Broos ka “bafora”

Quinton Fortune o lemositše mohlahli Hugo Broos, gore a dule a šetše morago ga go thuša Bafana go fihlelela Moketeng wa Lefase (World Cup).

Fortune ke sebapadi sa mehleng sa Manchester United le Atlético Madrid se boletše gore Broos o swanetše go šetša babapadi.

O hlalositše gore mo nakong yeo Afrika e iponago e tsogile mo papading, go na le batho ba bangwe ba go foraforetša.

Ka ge ba leka go mo reka ka ditšhelete ele batšwa ntle, gore ba tsene papading ye bohlokwa ya lefase.

“Ge mohlahli a tlogela go kgetha ka bokgoni gomme a latela tšhelete, se se senya leina la naga ka moka” arealo Fortune.

Fortune o hlalositše gape gore ke lebaka le lengwe leo Afrika e sa tšwelelago pele, ke bomenetja ka ge bo senya.

“Re swanetše go emisa go rekiša ditlhopha tša rena, ebile re swanetše go tshepa bokgoni, e sego tšhelete,” o tswaletše Fortune.

O hlohleletša mohlahli Hugo Broos gore a tšwele pele go diragatša sehlopha ka toka, a thekge babapadi ka bokgoni bja bona.