Ntseki o kgethile sehlopha se se tiilego bakeng sa papadi ya CHAN

Mohlahli wa sehlopha sa Bafana Bafana, Molefi Ntseki, o kgethile sehlopha sa maatla seo se tlago emela naga papading ya Caf Chan ka August.

Papadi ya CHAN e tlo thoma go kgatlampana go thoma kadi 2 go fihla kadi 30 tša August.

Go tlabe go nale dinaga tša go fapana, sehlopha sa Afrika Borwa se tloba se nale naga ya Kenya, Tanzania le Uganda.

“Re leboga Komiti ya Thekniki ya SAFA ka go re fa monyetla wa go etelela sehlopha mo moletlwaneng wa CHAN” arealo Ntseki.

O okeditše ka gore sehlopha sa gagwe se nale bagale ba kgale bao ba thomileng leetong le kgale, gomme ba lebeletše go dira gabotse mo papading ye.

Modulasetulo wa Komiti ya Thekniki ya SAFA, Jack Maluleke, o boletše gore Ntseki o swanetše go fetša seo a se thomilego.

“O re fihlišeditše mo papading ye, gomme o swanetše go feditša modiro wa moletlwane wa CHAN” arealo Maluleke.

Sehlopha se tla kgobokana Johannesburg ka Labohlano, gomme ba tla dula mo kampeng go fihlela ba tšea leeto go ya Uganda ka Lamorena.

Afrika Borwa e lego mo Sehlopheng C, e tla bapala le Uganda, Niger, Guinea le Algeria, papadi ya mathomo e kadi 8 tša August 2025.