Mohlahli wa Pirates o fa polelo ka morago ga go fenywa

Mohlahli wa Orlando Pirates, Abdeslam Ouaddou, o hlalositše mantšu ao a a boditšego Yanela Mbuthuma ka morago ga go lahlegelwa.

Sehlopha sa gagwe se ile sa lahlegelwa ka di-penalty 5-4 kgahlanong le Saint Eloi Lupopo mo CAF Champions League ka Mokibelo.

Ka morago ga papadi Mbuthuma o be a dutše a nnoši a lebeletše leratadimo ka go nyama, efela Ouaddou a bolela le yena.

“Re be re ka se fihle di-penalty ntle le yena, yena ke ye monnyane efela o bapetše tema ye bohlokwa” arealo Ouaddou.

Balatedi le badirimmogo le yena ba ile ba thekga, ba mo akaretša ka lerato go bontšha gore o sa le karolo ya sehlopha.

Mohlahli Ouaddou o dumela gore go tlo ba thuto ye bohlokwa bophelong bja Mbuthuma bjalo ka sebapadi.

Orlando Pirates e tlo tšwela pele go mo thekga, ka gobane sehlopha ke selo se se emego mmogo ka nako tšohle le ge gole boima.