Makalakalane: “Ga ke sa Bolela le Jomo Sono”

Moraloki wa Bafana Bafana pele Augustine ‘Mthakathi’ Makalakalane o re yena le Jomo Sono ga ba sa bolela.

Makalakalane o kile a bapala ka fase ga mohlahli Sono kua Jomo Cosmos ka bo-1980 le bo-1990.

O re o ile a tlogela sehlopha ka gobane babapadi ba be ba sa lefiwe, gomme a ya go bapala ka ntle ga naga.

1990: o ile a tsenela FC Zürich kua Switzerland, gomme a bapala le FC Baden pele a boela Zürich gape.

Kamano ya gagwe le Sono e ile ya senyega ge Sono a be a nyaka tšhelete ge a saena kontraka ya gagwe kua Europe.

“Ga ka mofa selo nna, lele lehono ge re ka kopana ga re boledišane”, a realo Makalakalane.

Go thwe Sono o kile a thibela mošomo wa mofu Thomas Madigage ka gobane o be a nyaka tšhelete e ntši kudu go dihlopha tša Europe.

“Madigage o be a nyakwa ke Manchester United le Manchester City Sono a thibela o hlalositše.

Ka morago ga moo, Makalakalane o ile a boela Afrika Borwa ka 1997 gomme a bapalela sehlopha sa Mamelodi Sundowns.