Chiefs e lahlegetšwe ka 2-1 kua nageng ya Egypt

Kaizer Chiefs e lahlegetšwe k 2-1 go Al Masry papading ya bona ya mathomo ya sehlopha mo CAF Confederation Cup.

Chiefs e bušitše Ashley Du Preez le Dillon Solomons mo lenaneong la bao ba thomago papadi.

Amakhosi e thomile gabotse, e sa tšhoge lešaba la gae, gomme ya raloka ka khutšo ebile e sepetša kgwele gabotse.

Papadi e be e dutše e lekane, go na le dikgoka tše matla, diphošo tša kganyogo le go latelana ga go lahlegelwa ke kgwele.

Pele ga nakwana ya go ya boikhutšong, Chiefs e lekile go tšea pele ka Mduduzi Shabalala le Thabo Cele, efela ba palelwa.

Go thomile karolo ya bobedi ka mathata go Amakhosi, gomme ba hlokile go šireletšwa gabotse ke Brandon Petersen.

Ka metsotso e tshelelago (6) morago ga mo, Chiefs e ile ya dira diphetogo ka go tsenya Mfundo Vilakazi sebakeng sa Du Preez.

Sehlopha sa Al Masry se hweditše moraloki wa phenyo ka metsotso e meraro (3) pele papadi e fela.

Mola ele gore Mohamed Hashem o šomišitše phošo ya Inacio Miguel gomme a tsenya kgwele ka pejana.

Amakhosi e lekile go lekanyetša palomoka ya mafelelo, efela maEgypt ba ile ba emelela ka maatla gomme ba tšea moputso.