Riveiro o šetše a iponagaditše mo nageng ya Afrika Borwa 

Ahmed Shobeir, yo bjale e lego mongwadi wa ditaba, o hlalositše gore bathekgi le bapapadi ba mehleng ba seke ba lahla mohlahli  Jose Riveiro.

O re le ge sehlopha se thomile ngwaga ka tsela e sa kgahlišego, Riveiro o na le bokgoni bjo bo ka thušago Al Ahly.

Sehlopha sa Al Ahly se šetše se bapile dipapadi tše tharo tša mathomo, sa fenya ga tee mo papading yeo.

Dipoelo tše ga di nyamišitše babogedi le bathekgi, gomme se se bakile dipotšišo ka bokamoso bja Riveiro mo setulong sa go ruta sehlopha.

Ka Mokibelo, Al Ahly e tla bapana le Pyramids FC, gomme papadi ye e ka fetola ka botlalo bokamoso bja gagwe mo sehlopheng.

Le ge maemo a le bjalo, Shobeir o šupa ka go hlaka gore Riveiro o swanetše go fiwa monyetla wa bobedi gape.

O re batho ba swanetše go gopola gore mo Afrika Borwa, Riveiro o ile a hlahla sehlopha sa Pirates gabotse ka maikemišetšo.

“Ke bona batho ba bantši ba sa dutše ba mo nyatša, efela nka bolela gore Riveiro ke mohlahli wa nnete” arealo Shobeir.