Phala: Sehlopha sa Chiefs se hloka Sipho Mbule

Sebapadi sa mehleng sa Kaizer Chiefs, Thuso Phala, o utolotše gore o be a nyaka gore Sipho Mbule a tsene sehlopheng sa Chiefs.

Phala o hlalositše gore Kaizer Chiefs e be e hloka bokgoni bja Mbule kudu, mola Pirates bona ba šetše ba na le sehlopha se tiilego.

Yena o hlaloša gore sehlopha sa Pirates ga se hloke Mbule le gatee, Kaizer Chiefs ke yona e mo hlokago.

“Mbule ke sebapadi sa goba le bokgoni, Chiefs e hloka seo ebile Pirates be e tlo fenya ntle le yena” arealo Phala.

Sehlopha sa Mamelodi Sundowns se paletšwe ke go mpshafatša konteraka ya Mbule gore a bowele sehlopheng.

Le ge go le bjalo, basepediši ba Amakhosi ba ile ba gana ka lebaka la ditatofatšo tša maitshwaro a peleng.

Ye ngwe gape taba ke gore Mbule o ile a rakwa sehlopheng sa Sekhukhune United pele ga konteraka e fela.

Phala o gateletše taba ya gore Mbule aka maatlafatša sehlopha sa Chiefs le go se phagamišetša godimo.

Go tloga ka nako yeo, Mbule e bile yo mongwe wa bapadi ba go dira gabotse kudu mo sehlopheng sa bona.