Kaizer Chiefs e hwetša €130 000 ka morago ga go rekiša Maart 

Sehlopha sa Kaizer Chiefs se hweditše tšhelete ka morago ga go rekiša Yusuf Maart, go ya sehlopheng sa Austrian Bundesliga, SC Ried 1912.

Maart o ile a tlogela sehlopha sa Amakhosi go sa šetše nako e telele, o be a sa nale kontraka ya mengwaga ye mebedi.

Maart o tšere dikgwedi tše tharo a bapala le Chiefs, gomme a ba mokapoteine wa sehlopha ka ngwaga wa mafelelo wa 2024/25.

Ka nako ya gagwe le Kaizer Chiefs, o bapetše dipapadi tše fetago 90, a tsenya dikgwele tše šupa (7) mo papading.

Mo sehlopheng se seswa sa SC Ried, Maart o tšere karolo go dipapadi tše hlano mo sebakeng sa ngwaga wa bona o moswa.

Moraloki wa pele wa Sekhukhune United gape, Antonio van Wyk, o šetše a kopane le Maart mo sehlopheng sa Austrian.

Tšhelete ye Maart a rekilwego ka yona e šetše e phatlaladitšwe, gomme ke €130 000 yeo e legi R2.6 milione mo Afrika Borwa.

Ka konterakte ya pele, go be go kwane gore Sekhukhune e tla hwetša 20%  yeo e ka bago R530 000.

Maart o tšwela pele ka kgetho ya gagwe e mpsha kua Austria, o itirela leina lele botse mo lefaseng la kgwele ya maoto.