Lucas Ribeiro a ka wela diatleng tša sehlopha sa Pyramids

Go ka direga gore Mamelodi Sundowns e lahlekelwe ke e nngwe ya dinaledi tša yona tše dikgolo.

Go nale kgonagalo ya gore sehlopha se segolo sa Egypt se reke moraloki wa Sundowns ele go Lucas Ribeiro Costa.

Pyramids e setše e tsena mo dipoledišanong tša semmušo le Sundowns gore e saene Ribeiro.

Ribeiro o bontšhitše borai le bokgoni bja go tsenya di koulu, gape le bohlale bja papadi.

O ile a tsenya koulu go CAF Champions League final, ge ba raloka le sehlopha sa Pyramids ka 3-2.

Ribeiro (26), o tumile lefaseng ka bophara ka lebaka la tšweletšo ye botse yeo a e dirilego go FIFA Club World Cup.

Sundowns bjale e lebane le boemo bja go dira sephetho se se boima kudu, kago rekiša moraloki o hlwahlwa.

Ge ditumellano di ka fihlelwa, Lucas Ribeiro o ka wela diatleng tša Pyramids, seo se tla tliša diphetogo tše kaone.

Go rekišwa ga Ribeiro e kase be taba tša kgwebo fela eupša go tlo bontšha gore Afrika Borwa e nale baraloki ba maleba.