Mbokazi o ikgantšha ka go iponagatša go sehlopha se seswa

Mbekezeli Mbokazi, mošireletši wa Orlando Pirates, o bontšhitše lethabo let legolo ka morago ga go ya go sehlopha sa Major League Soccer (MLS), Chicago Fire.

Go latela dipoledišano tša ka morago ga gore go phatlalatšwe gore moraloki wa mengwaga ye 20 o rekilwe ke Chicago ka  R50 milione.

Chicago Fire e mo tsebišitše semmušo ka Labobedi gomme ya fediša dipelaelo tšeo di bego di tšwela pele matšatši a mmalwa.

Mbokazi o itebogetše sebaka sa go raloka go legaeng le le tletšego dinaledi tše bjalo ka Lionel Messi, Thomas Müller, Eric Maxim Choupo-Moting le ba banger.

Ge a be a bolela ka isiZulu, Mbokazi o begetše babogedi ba Chicago Fire thabo ya gagwe.

“Leina laka ke Mbekezeli Mbokazi, gomme ke thabile kudu go tsenela sehlopha se se botse,” a realo Mbokazi.

Mbokazi o šetše a feditše go amogelwa go raloka papadi ya mafelelo ya Carling Knockout kgahlanong le Marumo Gallants ka Mokibelo.

Gomme ye e tla ba papadi ya gagwe ya mafelelo ka diaparo tša Orlando Pirates, moo a dirilego leina ka pela mo ngwageng o tee.