Ouaddou o hlaloša lebaka la go se kgethe Mabasa

Go nale kgonagalo ya gore Tshegofatso Mabasa a ka tlogela Orlando Pirates, mohlahli Abdeslam Ouaddou o hlalositše lebaka leo.

Tshegofatso Mabasa ke sebapadi sa bobedi sa dikotlo tše dintši sehlopheng SA Pirates ka morago ga Benedict Vilakazi.

Go letetšwe gore sehla se a ka fihlelela rekoto yeo, eupša o bonagala a sa bapale dipapading tša morago bjale.

“O nale nnete, batho ba bantši ba mpotšiša potšišo yeo,” gwa realo mokaodi yoo wa mengwaga ye 47.

“Sa mathomo, ga ke na bothata le Mabasa, ke sebapadi seo ke se ratago ebile ke striker sa maatla” arealo.

“Ge ke kgetha sehlopha, ke latela melao ya papadi le mohanyakiši yo re tlo bapala le yena.”

Ouaddou o re o kwešiša ge baalatedi ba belaela goba ba e kwa bohloko ge sebapadi seo ba se ratago se sa kgethwe.

“O na le (Evidence) Makgopa, (Yanela) Mbuthuma, (Boitumelo) Radiopane, Mabasa le (Sifiso) Luthuli,” a hlaloša.

“Ke babapadi ba bahlano ba maemo a swanago, balatedi ba ka kwa e ka ba go se toka, eupša gabotse ga go lebaka la go belaela.”