Ouaddou o hlaloša mabaka a diphetogo tša Pirates

Moetapele wa Orlando Pirates “Abdeslam Ouaddou” o hlalositše lebaka la go feto-fetola sehlopha sa gagwe kgafetša, go sa šetšwe dikganetšo tša balatedi.

Balatedi ba bangwe ba bontšhitše kgopolo tša bona tša go se kgotsofatšwe ke kamoo Ouaddou a šomišago sehlopha.

Go bile bothata go noša sehlopha sa gagwe pele ga dipapadi, ka gobane o dula a dira diphetogo.

Le ge go le bjalo, morutiši wa sehlopha o boletše gore diphetogo tšeo ga se ka baka la go se dire gabotse ga babapadi.

“Babapadi ke batho, bjalo ka balatedi,” Ouaddou o hlalositše ka poledišano le Lisenethini.

“Ka dinako tše dingwe maemo a bophelo a dira gore re fetoše sehlopha. Ga se ka gobane ba sa dire gabotse” arealo mohlahli.

O ile a hlaloša gore Ke ka baka la ditiragalo tša bophelo tšeo di ka ama motho kudu.

Ouaddou o ile a roriša sehlopha ka moka ka boikgafo le boitshwaro bja bona, a gatelela gore sehlopha se nale maatla.

“Bapadi ka moka ba Pirates ba šoma ka mafolofolo, ge o lebelela gabotse yo mongwe le yo mongwe o dira gabotse”.

Sehlopha sa Orlando Pirates e tla tšwela pele le leeto la yona la Carling Knockout mafelong a beke.