Sikhakhane o romela molaetša go Zwane le Mashiane

Moraloki wa kgale wa Kaizer Chiefs, “Ntokozo Sikhakhane” o feditše a romela molaetša go Samuel Zwane le Happy Mashiane.

Ke baraloki Bao ba adimilwego ke Siwelewele FC, a ba eletša gore ba šomiše sebaka se ba filwego ka bohlale.

“Gabjale ke nako ya gore sebapadi se sengwe le se sengwe se bontšhe maitekelo a sona Siwelewele FC,” arealo Sikhakhane.

O ile a gopola maitemogelo a gagwe nakong ya ge a be a bapala, gomme a bolela ka kamoo go adingwa ga gagwe go ilego gwa mo thuša.

“Nna ke ile ka adingwa ke Kaizer Chiefs ka romelwa Durban Stars, moo ke ilego ka bapala National First Division ngwaga ka moka” arealo.

Ka morago ga moo o ile a latela mohlahli wa ka go Dynamos FC, moo a ilego a dira diphetho tše di kgahlišago le Sandile ‘AK’ Ndlovu.

O itše lebaka leo le ile la mo ruta go ba sebapadi se se tiilego ka monaganong le se se tsebago boikarabelo bja sona.

Sikhakhane o eletša Zwane le Mashiane gore ba se lebale lebaka leo le dirilego gore Kaizer Chiefs e ba romele Siwelele.