Ouaddou o hlaloša mabaka a go ntšha Maswanganyi mo papading 

Mohlahli wa Orlando Pirates Abdeslam Ouaddou, o hlalositše lebaka la go fediša letšatši la sebapadi sa sehlopha “Patrick Maswanganyi”.

Maswanganyi o ntšhitšwe pele ga papadi ya bobedi ya di-semi-final tša MTN8 kgahlanong le Sundowns kua lepatlelong la Lucas Moripe.

Sehlopha sa Orlando Pirates se fihletše ntweng ya mafelelo la boraro ka tatelano morago ga go fenya Sundowns ka dipenalty tše 4-1.

Papadi e feditše ka diphetho tša 2-2 ka kakaretšo, ka morago ga gore lehlakore la mathomo le fele ka 1-1 kua lepatlelong la Orlando.

Maswanganyi, o bušeditšwe mošomong wa mathomo ka morago ga go dula benching ya papadi ya beke ye e fetilego le Stellenbosch FC.

Phetošo ye ya thuto e file Ouaddou sebaka sa go sutisa Kamogelo Sebelebele pele, gomme Relebohile Mofokeng a šomišwa bjalo ka nomoro ya 10.

Le ge Maswanganyi a sa ka a tsenya khuetšo e kgolo papading yeo, Ouaddou o gateletše gore sebapadi se nale karolo ye bohlokwa sehlopheng.

” Patrick Maswanganyi ke sebapadi sa maemo a godimo, ebile o šetše a dirile gabotse mengwageng ye mentšhi mo sehlopheng” arealo Ouaddou.

Bjale Pirates e tla lebelelana le dipapadi tša league ge ba tlo amogela Orbit College FC kua lepatlelong la Orlando.