Mamelodi Sundowns e fentše Magesi FC ka 2-0 

Letšatši la Laboraro, papadi ya Betway Premiership e ile ya hlola maikutlo ge Mamelodi Sundowns e fenya sehlopha sa Magesi FC.

Papadi e be e tletše boikgafo ka ge sehlopha sa Limpopo se lekile ba bojohle, efela Sundowns e tšere katlego ya 2-0.

Sundowns ba ile ba tsena papadi ba dira diphetogo tše dikgolo ka ge ba be ba lwantšha Pirates beke e fetilego go papadi ya MTN8.

Diphetogo tša sehlopha sa Sundowns, bjalo ka go tsena ga Thapelo Maseko, go ile gwa fa sehlopha bokgoni bjo bo oketšegilego.

Jayden Adams o ile a bula diphihlelo ka kgwele yeo a e thuntšego ka motsotso wa 73 a dira papadi gore ebe 1:0.

Baraloki ba Magesi ba ile ba leka go thuntšha kgwele efela Sundowns ga se ya dumelela seo le gatee.

Mola papadi e le gare gatela pele, Peter Shalulile o ile a tsenya kgwele ya bobedi go šetše metsotso ye mebedi gore papadi e fele.

Kgwele ya Shalulile e bile ya histori ka ge e lemoša diphihlelo tše 129, a lekantšha rekoto ya go swana le ya  Siyabonga Nomvethe.

Magesi FC le ge e lahlegetšwe, ba bontšhitše sebete gomme ba ka ithuta le go lokiša diphošo tša bona.