Ouaddou o re Pirates e sale tseleng ya katlego

Mohlahli “Abdeslam Ouaddou” o re go sale ka pela kudu go ahlaahla ka mošomo wa gagwe mo sehlopheng.

Le ge a šetše a feditše dikgwedi tše hlano fela a bušeditše Pirates mo ditlhotlhlong tša dipapadi tše pedi tša naga.

Pirates e feditše go tsena mo Carling Knockout Cup final morago ga go fenya Richards Bay FC ka 1–0 mo semifinale.

Tshepang Moremi o ile a tsenya kgwele yeo e bego e le ya bošupa mo ditlhotlhlong ka moka tša sehla.

“Ke nagana gore go sa le ka pela go akaretša mošomo wa ka mo,” gwa realo Ouaddou, yo a tšerego legato la Jose Riveiro mathomong a sehla.

Mohlahli yo o ile a roriša bapapadi ba gagwe ka boikgogomošo le thuto ya bona ya leano la papadi.

“Ke nagana gore bapapadi ba ka ba be ba le sebete; ba bontšhitše maatla le go se fele pelo, gomme ke swanetše go ba lebogiša ka seo,” a realo.

Sea Robbers e tla lebana le Chippa United mo papading ya DStv Premiership yeo e tla bapalwa kadi Dibatsela 2025.

Pirates e fentše tše šupago (7) gomme ya dira draw e tee,  seo se e beago mo godimo ga league ya papadi.