Sekhukhune United e saena yo mongwe wa mehleng wa Bafana 

Sekhukhune United e tiišitše sehlopha sa yona ka go saena moraloki wa mehleng wa Bafana Bafana “Lebogang Phiri” sehleng sa 2025/26.

Phiri (31) o feditše leeto la gagwe la kgwele ya maoto Yuropa gomme a saena konteraka le Babina Noko.

Sehlopha se boletše gore se thabetše kudu go hwetša ditirelo tša sebapadi se se nago le maitemogelo a magolo a boditšhabatšhaba.

Phiri o bile le mošomo wo motelele wa mengwaga ye 13 Yuropa, o thomile e le sebapadi sa banyenyane go Brøndby IF ya Denmark.

Go tšwa Denmark, o ile a ya Fora le Turkey, pele a boela gape Fora go yo fediša leeto la gagwe la Yuropa le sehlopha sa En Avant Guingamp.

Modulasetulo sa Sekhukhune United, Jonas Malatji, o boletše gore go saenwa ga Phiri ke kgato ye bohlokwa kudu go sehlopha.

“Re thabetše kudu go hwetša Lebo, ka gobane o tliša bokgoni bjo bogolo le maitemogelo a bohlokwa a boditšhabatšhaba,” go boletše Malatji.

“Ka morago ga mengwaga ya boineelo le dihlabelo Yuropa, mabati a gae a bulegile gape” arealo Phiri.

Sekhukhune United e mo amogelo ka diatla tše pedi, gomme e lebeletše tswalano ye telele le ye e atlegilego.