Shalulile o kgauswi le go dira histori mo papading ya PSL

Peter Shalulile o tla ba le monyetla wa go roba rekoto ya PSL ya go tsenya dipholo mo papading ya go latela.

Ge Sundowns e tla kopana le Orlando Pirates papading ya bobedi ya di-semi final tša MTN8 ka Mokibelo kua Pretoria.

Mošemane wa Namibia o tsentšhitše kgwele ya gagwe ya bo-129 mo PSL ge ba be ba bapala le Magesi FC kua Seshego.

Gomme e bile kgwele ya gagwe ya mathomo mo ngwageng wo a apere mebala ya sehlopha sa Sundowns.

Ka seo, o lekantšhitše rekoto ya gagwe le ya moraloki wa pele e lego Siyabonga Nomvethe.

Mookamedi Miguel Cardoso o boletše gore go bohlokwa gore sehlopha se mo thekge gore a kgone go fihlelela sepheo sa gagwe.

Masandawana a tla tsena ntle le Themba Zwane yo a gobetšego, ge ba lebagana le Buccaneers lepatlelong la Lucas Moripe  ka Mokibelo.

Papadi ya mathomo ya semi-finale e ile ya fela ka 1-1, gomme Mokibelo setšhaba se tlo bona gore naa Shalulile a ka feta Nomvethe.