Sibisi o hlatsela gore Mbule le Appollis ba ikemišeditše go thuša sehlopha

Orlando Pirates e ikemišeditše go thoma sehla sa bona ka matla ge ba lebeletšane le Polokwane City papading ya MTN8 ka Mokibelo kua Orlando Stadium.

Papadi ye e ka ba ya mathomo ya go bona bapapadi ba baswa Oswin Appollis le Sipho Mbule ba apere seaparo sa Pirates ka makga a semmušo.

Mokapoteine wa Pirates, Nkosinathi Sibisi, o boletše gore Appollis le Mbule ba tsene gabotse sehlopheng gomme ba lebeletše go thuša sehlopha.

“Papadi ye e tla ba ya go kgethega go Oswin, ka gobane o tlo bapala le sehlopha sa gagwe sa kgale,” arealo Sibisi.

Appollis, yo a tsenego a etšwa Polokwane City, o lebeletšwe go bontšha lebelo, bokgoni le boikemišetšo mo sehlopheng.

“Re tseba gore Sipho Mbule o na le bokgoni. O lebeletšwe go bontšha phetogo ye botse go Pirates” arealo Sibisi.

Mbule o tlo oketša maatla bogareng bja lešata, gomme go holofelwa gore bokgoni bja gagwe bo tla thuša sehlopha go fihlelela katlego.

Ka dipapadi tše pedi tše mpsha, Pirates ba bonagala ba le mo tseleng ya go lwela phenyo ya MTN8 gape.

Balateli ba lebeletše papadi ya Mokibelo ka mahlo a tshepo, ba nyaka go bona diphetogo tše mpsha go Orlando Pirates.