McKenzie o hlaloša ditaba tša Teboho Mokoena

Morago ga beke ya kgatelelo e kgolo Gayton McKenzie o ntšhitše tshedimošo ya dinyakišišo yeo e dirilwego ke SAFA mabapi le phošo ya Teboho Mokoena.

Phošo ye ya “mix-up” ya karete e tšhwana le serolwana, yeo e dirilego gore Mokoena a se ke a bapala papadi ya bohlokwa.

McKenzie  yo a bego a file SAFA matšatši a šupago go hlaloša phošo, o tiišitše gore mokgatlo wa bolo o phethile nyakišišo ya wona ka botlalo.

Tonakgolo o boletše gore maemo ao a makatšago a hlalositše gore go bile le phošo ya tshepidišI yeo e sa tlwaelegago.

“Dikarata tše pedi tšeo Teboho Mokoena a di filwego di diragetše nakong ya dikgwedi tše 16 ka thoko” arealo McKenzie.

Go kwagala gore molaodi wa sehlopha, Vincent Tseka, o bile le karolo yeo e sa lebanyego le phošo ye.

Go hweditšwe gore molaodi Tseka o be a se gona ka nako yeo karete e bego e fiwa no papading yeo.

McKenzie o boletše gore se se bontšha mathata a magolo mo go tshepidišong ya sehlopha sa naga.

Le ge go be go se bonolo ge Mokoena a be a thibetšwe go bapala papadi ya bohlokwa, McKenzie o boletše gore ke thuto.