Mthethwa o kgopela khutšo magareng ga balatedi le Broos

Setsebi sa kgwele ya maoto, Baba Mthethwa, o fa polelo ka balatedi ba Kaizer Chiefs le mohlahli wa Bafana Bafana, Hugo Broos.

Mohlahli Broos o boletše gore ga a bitše baraloki ba Chiefs ka gobane sehlopha ga se bapale gabotse.

Mantšu a gagwe a dirile gore barati ba sehlopha ba mo nyatše, ba bangwe ba bile ba re ga ba sa nyaka go thekga Bafana Bafana.

Mthethwa o boletše mo lenaneong la Omni Sports gore: “Ge o sa rate Broos, sepela o mo botše kua Safa, e sego mo”.

O gateletše taba ya gore papadi ye ke ya naga ka moka, gomme a go thuši selo goba le makoko goba kgang.

“Re swanetše go tlogela kgang ye, re lebelele dilo tše bohlokwa bjalo ka go fihla Moletlong wa Lefase” arealo Mthethwa.

O feleleditše ka go botšiša gore afa setšhaba se nyaka gore aye Naturena naa, ge a fetša a iphetola are aowa.

Setsebi se sa kgwele ya maoto se leka go fediša dintwa, dipolelo goba kgegeo magareng ga bathekgi ba Chiefs le mohlahli Broos.